«Կհասկանանք յուրահատկությունը նոր իրավիճակի և կանդրադառնանք»․ Վլ․ Կարապետյանը՝ որդեկորույս մայրերի ակցիայի մասին (տեսանյութ)
Աջակցիր «Ա1+»-ինՀՀ վարչապետի մամլո խոսնակ Վլադիմիր Կարապետյանից լրագրողներն այսօր փորձեցին պարզել, թե արդյոք տեղյա՞կ է Նիկոլ Փաշինյանը որդեկորույս մայրերի ակցիայի մասին․
«Ոչ միայն գիտի, այլև խոսել է մամուլի ասուլիսի ժամանակ, մասնավորապես հիշատակել է այն հիմնադրամի մասին, որը զբաղվում է այդ հարցով։ Դա հայտնի խնդիր է և եթե կան լրացուցիչ պահանջներ ես կմանրամասնեմ»։
Հիշեցրին, որ Զոհված զինծառայողների մայրերը պահանջում են, որպեսզի զոհված զինծառայողների ընտանիքներին ևս տրվի 30 մլն միանվագ նպաստ՝ ինչպես Մարտի 1-ի զոհերի իրավահաջորդներին։
Վլադիմիր Կարապետյանը կրկին հիշեցրեց, որ վարչապետն արդեն խոսել է այդ մասին։
Լրագրողները նկատել տվեցին, որ նոր իրավիճակ է ստեղծվել դրսում և քաշքշուկ է եղել․ մայրերը պատրաստվում են նստացույց անել։
«Կհասկանանք յուրահատկությունը նոր իրավիճակի և կանդրադառնանք», եղավ պատասխանը։
Մանրամասները՝ Faktor.am-ի տեսանյութում