Բացել լրահոսը Փակել լրահոսը
A A

Ծերունին ուշաթափվեց կենտրոնում

Մարզեր

    Այսօր 11.30-ին Վանաձորի  քաղաքապետարանի  Սոցիալական ծառայությունների Վանաձորի Տարածքային բաժնի  աշխատանքը խաթարվեց:

Բարձր աղմուկից միջանցք դուրս եկած աշխատակիցները հանդիպեցին ձեռնափայտով մի պապիկի, որը  ոչ մեկին չէր թողնում սենյակ մտնի ու պահանջում էր, որ իրեն ծերանոց տանեն:

Չլսելով ոչ մի հորդոր, որ դրա համար համապատասխան կարգ կա, միայն պնդում էր, որ իր պահանջը կատարեն:            

«Գնացել եմ քաղաքապետարան, ինձ ասել են գնա սոցիալական, հիմա էլ դուք եք ասում մենք չենք կարող, բա ես ո՞ւր գնամ , տուն չունեմ, կինս էլ մահացել է».-ասում էր 84-ամյա Արշակ Մուսայելյանը:

 Նա դժվարությամբ էր կանգնում ոտքի վրա եւ անընդհատ դողում էր: Նրան աթոռ առաջարկեցին եւ խնդրեցին, որ  մանրամասն պատմի իր խնդիրները, որպեսզի իրենք դիմեն համապատասխան մարմիններին,  սակայն նա այլեւս չարձագանքեց ոչ մի հարցի: Քիչ անց նա ցնցումների մեջ ընկավ եւ ուշաթափվեց:

   Տեսնելով, որ  վիճակը վատանում է, ահազանգեցին շտապ օգնություն: Երբ Շտապ օգնությունն եկավ, պապիկին արդեն ուշքի էին բերել: Բժիշկը  արձանագրեց բարձր ճնշում եւ տեղափոխեց հիիվանդանոց:

Ի դեպ, սոցծառայության աշխատակիցները պարզեցին, որ 84-ամյա Արշակ Մուսայելյանը  2007 թ-ից ի վեր Ընտանեկան նպաստ համակարգում չի հաշվառվել:

Նելլի Դավթյան

  Վանաձոր