A
A
Չեն հասել Ստամբուլ
Աջակցիր «Ա1+»-ինԵրեւանի «Հատիս» կանանց բասկետբոլի թիմը խնդրի առաջ է հայտնվել Եվրոպայի գավաթի խաղարկության 3-րդ տուրի թուրքական «Բեշիկթաշի» հետ հանդիպումից առաջ:
Մրցավայր մեկ օր առաջ հասնելու համար մեր թիմն այսօր առավոտյան մեկնեց Թբիլիսի, որպեսզի այնտեղից ինքնաթիռով արագ հասնի Ստամբուլ: Սակայն Թբիլիսի - Ստամբուլ չվերթն անսպասելի հետաձգվել է:
Ինչպես տեղեկացրին «Հատիս» ակումբից, թիմն այսօր կգիշերի Թբիլիսիում, իսկ վաղն առավոտյան կմեկնի Ստամբուլ: Չնայած ծրագրերի խախտմանը, «Հատիսը» նախատեսել է մարզում անցկացնել Վրաստանի մայրաքաղաքում, իսկ Ստամբուլ հասնելուն պես ծանոթանալ այն մարզադահլիճի առանձնահատկություններին, որտեղ անցկացվելու է հանդիպումը:
Հիշեցնենք, որ «Բեշիկթաշ» - «Հատիս» հանդիպումը կկայանա նոյեմբերի 26-ին, Երեւանի ժամանակով 20:30-ին:
