Քննչական կոմիտեն կոպիտ սխալներ է թույլ տվել․ Հակոբ Սանասարյան (տեսանյութ)
Աջակցիր «Ա1+»-ին«Հայաստանի կանաչների միության» նախագահ Հակոբ Սանասարյանը վստահ է, որ Նիկոլ Փաշինյանի համար այժմ շատ հարցեր պարզաբանվեցին, երեկ՝ «Էլարդ» ընկերության հետ տեղի ունեցած տեսակոնֆերանսից հետո։ Նա հատկապես կարևորում է այն, որ հայտարարվեց, թե գնահատված չէ պայթեցումների հետևանքով սողանքների ակտիվացումը։
Հակոբ Սանասարյանի խոսքով, քննչական կոմիտեն կոպիտ սխալներ է թույլ տվել։ Մասնավորապես՝ այն, որ «Էլարդին» է հանձնել հանքի շահագործման արդյունքում բնապահպանական և սոցիալական ազդեցության գնահատումը։
«Քննարկման ժամանակ պարզվեց, որ Քննչական կոմիտեն, առանց վարչապետի իմացության, «Էլարդին» նամակ է ուղարկել, որպեսզի վերջինս նշի, թե ինչ պիտի անի Լիդիանը՝ շրջակա միջավայրի վրա ազդեցությունը նավազեցնելու համար։
«Այսինքն, նա ուզեցել է «Էլարդին» դարձնել Լիդիանի համար լոկոմոտիվ։ Սա շատ վտանգավոր գործ է»,- նշում է բնապահպանը։
Մանրամասները տեսանյութում