A
A
««Սեքյուրիթի դրիմի» դեմ վարույթն իրականացնող քննիչը 230 000 դրամանոց նվեր է ստացել հիմնադիրների դեմ ցուցմունք տված Արամ Ղլեչյանից» (տեսանյութ)
Աջակցիր «Ա1+»-ին«Սեքյուրիթի դրիմ»-ում կասկածներ ունեն, որ նախաքննական գաղտնիքի ոտնահարում է եղել:
««Սեքյուրիթի դրիմի» դեմ վարույթն իրականացնող քննիչը ժամանակին 230000 դրամանոց նվեր է ստացել հիմնադիրների դեմ ցուցմունք տված Արամ Ղլեչյանից»,-այս մասին ասաց ընկերության ներկայացուցիչ, իրավաբան Տիգրան Գրիգորյանը: Այս նվիրատվություն մեջ իր բաժնեմասն ունի նաեւ «Էլլիպս ՋԻ էյ» -ի այդ ժամանակվա տնօրենը:
Տիգրան Գրիգորյանը ենթադրում է, որ տեղի է ունեցել հանցավոր համագործակցություն քննիչի եւ «Սեքյուրիթի դրիմի»՝ աշխատանքից ազատված տնօրեն Արամ Ղլեչյանի հետ եւ չի բացառվում նաեւ՝ նախաքննական գաղտնիքի արտահոսք: Այդ տպավորությունը նա ստացել է, երբ հետեւել է Արամ Ղլեչյանի հայտարարություններին: Ըստ Տիգրան Գրիգորյանի՝ վերջինս այնպիսի տեղեկություններ է հայտնում, որոնք գործով վկայի կարգավիճակ ունեցողը պարզապես չպետք է տիրապետեր:
Հիշեցնենք, որ «Էլլիպս ՋԻ էյ» եւ «Սեքյուրիթի Դրիմ» ընկերությունների համահիմնադիր Ալեքսան Զաքարյանը օգոստոսի 15-ից կալանավորված է։ Նա եւ ընկերությունների հաշվապահները մեղադրվում են առանձնապես խոշոր չափերով խարդախություն կատարելու գործով։
Դեռեւս 2018 թվականի հունիսի 20-ին հարուցված քրեական գործի շրջանակում հիմնադիրների դեմ ցուցմունք է տվել «Սեքյուրիթի Դրիմ» ՍՊ ընկերության նախկին տնօրեն Արամ Ղլեչյանը։
Մանրամասները՝ տեսանյութում