Գյուղացիները մնացել են անհող
Աջակցիր «Ա1+»-ինՇիրակի մարզի Այգաբաց գյուղին պատկանող 221 հեկտար վարելահողը մինչեւ 1998 թվականը մրցութային կարգով վարձակալության է տրամադրվել գյուղացիներին: Սակայն համայնքի նախկին ղեկավարը 25 տարի ժամկետով տրամադրել է ՙԽոշորի բտման՚ կոչվող բաց բաժնետիրական ընկերությանը: Գյուղացիները հավաստում են, որ պայմանագրի ստորագրումը կատարվել է մի շարք օրինախախտումներով:
ՙՄեր նախկին գյուղապետը՝ Ալթունյան Գագիկն առանց ժողովրդին տեղյակ պահելու, առանց աճուրդի, առանց ավագանու որոշման 221 հեկտար համայնքապատկան հողը հանձնել է ընկերությանը՚, - դժգոհում են գյուղացիները:
Ընկերությունը գյուղացիների հավաստմամբ հրաժարվում է նշված հողը վարձակալությամբ տրամադրել Այգաբացի բնակիչներին:
Դեռ ավելին, բնակիչներից երեք հոգու դեմ էլ հայց է ներկայացրել դատարան, որտեղ նշված է, որ նրանք վարելով իրեն պատկանող հողատարածքից վեց հեկտարը՝ 13 միլիոն դրամի վնաս են հասցրել:
Ըստ պայմանագրի' այն պետք է օգտագործվեր որպես արոտավայր: Այնինչ գյուղացիները պնդում են, որ երբեւէ չեն տեսել, որ այդ ընկերությունն օգտագործի հողատարածքը: Ներկայիս գյուղապետ Սասուն Մանասյանը եւս նշում է, որ համայնքը ղեկավարելով 2005 թվականից' կարող է փաստել, որ հողերում արածող անասուն երբեւէ չի տեսել:
Շիրակի մարզպետ Լիդա Նանյանն էլ նշում է, որ իրոք եթե հողը վարձակալությամբ տրամադրվեր գյուղացիներին, նրանք կկարողանային շատ կարիքներ հոգալ:
Մարզպետը հավելեց, որ ընկերությունը կատարել է պայմանագրի մի շարք կետերի խախտում, չի կատարել վարձակալության համար սահմանված վճարումները: Այժմ գործը քննվում է դատարանում եւ Շիրակի մարզպետն արդարացի է համարում Այգաբացի բնակիչների՝ ընկերության հետ կնքած պայմանագիրը չեղյալ հայտարարելու պահանջը:
Գյումրիի «Ցայգ» ՀԸ
