«Արարատ-Արմենիա» - «Լինքոլն» խաղը նույնպես տոմսերով կլինի

Ֆուտբոլի Եվրոպա Լիգայի որակավորման 2-րդ փուլում Հայաստանի չեմպիոն «Արարատ-Արմենիան» մրցելու է Ջիբրալթարի «Լինկոլն Ռեդ Իմպս» թիմի հետ:

Ինչպես տեղեկացնում է հայկական ակումբի մամուլի ծառայությունը, խաղը տեղի է ունենալու հուլիսի 23-ին, ժամը 19:00-ին, ՀՖՖ Ակադեմիայի մարզադաշտում:

Կրկին գործելու է տոմսերի վաճառք: Տոմսի արժեքը 1000 դրամ է: Վաղվանից սկսված տոմսերը հնարավոր կլինի ձեռք բերել ՀՖՖ Ակադեմիայի մարզադաշտի տոմսարկղից (գլխավոր մասնաշենքի մուտքի հարեւանությամբ) կամ կարելի է պատվիրել առցանց, որի հղումը հասանելի կլինի արդեն այսօր: Տոմսերի քանակը խիստ սահմանափակ է: