«Ֆեյսբուքի» խափանումից հիմնական բողոքողները Թուրքիայից են. մեդիափորձագետ
Աջակցիր «Ա1+»-ինՀայաստանում դեռեւս տեղ-տեղ է հնարավոր մուտք գործել «Ֆեյսբուք», «Ինսթագրամ» սոցիալական կայքեր:
«Ա1+»-ն այս խնդրով կապ հաստատեց տեղեկատվական անվտանգության հարցերով փորձագետ, մեդիափորձագետ Սամվել Մարտիրոսյանի հետ:
Նա ասաց, որ խնդիրը գլոբալ է, և հիմնական բողոքողները Թուրքիայից են:
Մարտիրոսյանը նաև հավելեց, որ ինքն այժմ Կիպրոսի հունական մասում է, և իր մոտ նույնպես ժամանակ առ ժամանակ չի ստացվում մուտք գործել վերոնշյալ սոցիալական կայքերը:
«Թուրքերի բողոքների մասին տեղեկացել եմ նրանց թվիթթերյան գրառումներից»,- նշեց տեղեկատվական անվտանգության հարցերով փորձագետը:
Հարավային եւ Հյուսիսային Ամերիկաներում և Ասիայում տիրող վիճակի վերաբերյալ փորձագետը դեռևս չի հասցրել տեղեկություն ստանալ:
Նշենք նաև, որ «Հաղորդակ»-ը (Messenger) մասնակիորեն գործում է: «Ա1+»-ի թղթակիցը, ով այժմ ԱՄՆ-ում է, ասաց, որ «Ֆեյսբուք»-ն այնտեղ սովորականի նման աշխատում է:
