Ալեքսանդր Կարապետյանը հանդես կգա «Սոչիում»

Ֆուտբոլի Հայաստանի հավաքականի հարձակվող Ալեքսանդր Կարապետյանը կարիերան կշարունակի Ռուսաստանում:

Ինչպես հայտնում է այդ երկրի պրեմիեր լիգայի նորեկ «Սոչիի» պաշտոնական կայքը, հայազգի ֆուտբոլիստն ու Ռուսաստանի հավաքականի խաղացող Ֆյոդոր Կուդրաշեւն այսօրվանից ակումբի ֆուտբոլիստներն են:

Ալեքսանդր Կարապետյանը մինչ այդ հանդես էր գալիս Լյուքսեմբուրգի «Պրոգրես» թիմում, որի կազմում անցկացրած 47 խաղում դարձել է 40 գոլի հեղինակ: Մեր ֆուտբոլիստն իր նոր թիմի կազմում արդեն անցկացրել է 3 ստուգողական հանդիպում եւ դարձել 4 գոլի հեղինակ: Հայաստանի հավաքականում նա 8 խաղում խփել է 4 գնդակ:

Հավելենք, որ «Սոչիի» դարպասապահների մարզիչն է Հայաստանի հավաքականի նախկին դարպասապահ Ռոման Բերեզովսկին: