Ի նշան բողոքի՝ քաղաքացիները աղբ են թափել քաղաքապետարանի դիմաց
Աջակցիր «Ա1+»-ինՔիչ առաջ մի խումբ քաղաքացիներ աղբ են տարել քաղաքապետարան և թափել մուտքի դիմաց:
Երևանի քաղաքապետի մամուլի քարտուղար Հակոբ Կարապետյանը «Ա1+»-ի հետ զրույցում հայտնեց, որ այդ մասին տեղեկացել են համացանցից:
Նա ենթադրում է՝ քաղաքացիները փորձել են քաղաքային իշխանության ուշադրությունը հրավիրել աղբահանության խնդրին:
Հակոբ Կարապետյանը հայտնեց, որ տեղյակ չեն՝ որտեղի բնակիչներ են եղել, բայց ակցիայի մասնակիցներից մեկը եղել է Երևանի ավագանու նախկին անդամ Սոնա Աղեկյանը:
«Պետք է նշեմ, որ հասցեատերը սխալ է ընտրված, և կարիք չկա քաղաքային իշխանության ուշադրությունը հրավիրել մի խնդրի վրա, որով քաղաքային իշխանությունը զբաղվում է ամենօրյա ռեժիմով»,- «Ա1+»-ի հետ զրույցում ասաց Հակոբ Կարապետյանը՝ հավելելով, որ քաղաքի աղբահանության խնդրով զբաղվող միակ օպերատորը դե յուրե «Սանիթեք» ընկերությունն է, և միակ պատասխանատուն այդ ընկերությունն է: