Մեկ հաղթանակ, երեք' ոչ-ոքի
Աջակցիր «Ա1+»-ինՄիխայիլ Տալի հուշամրցաշարում Լեւոն Արոնյանը համաքայլ ընթանում է աշխարհի չեմպիոնի հետ:
Մոսկվայում շարունակվող Միխայիլ Տալի հուշամրցաշարում մեր միակ ներկայացուցիչ Լեւոն Արոնյանը երկրորդ տուրում ոչ-ոքի խաղաց Ռուսլան Պոնոմարյովի հետ, երրորդում հաղթեց հունգարացի Պետեր Լեկոյին, իսկ 4-րդ տուրում խաղաղ դաշն կնքեց Մագնուս Կառլսենի հետ: Չորս հնարավորից վաստակելով 2,5 միավոր, Լեւոն Արոնյանն աշխարհի գործող չեմպիոն, հնդիկ գրոսմայստեր Վիշվանաթան Անանդի հետ այժմ բաժանում է 2-3-րդ տեղերը:
Մրցաշարային աղյուսակը գլխավորում է աշխարհի նախկին չեմպիոն Վլադիմիր Կրամնիկը, որը տարել է երկու հաղթանակ, նույնքան պարտիա ավարտել ոչ-ոքի եւ իր ակտիվում ունի 3 միավոր:
Այսօր մրցաշարում հանգիստ է տրված, իսկ վաղը կկայանան 5-րդ տուրի պարտիաները: Լեւոն Արոնյանը սպիտակներով կհանդիպի Ալեքսեյ Մորոզեւիչի հետ, որը 1,5 միավորով զբաղեցնում է նախավերջին' 9-րդ հորիզոնականը:
