Մեկնարկեց 2019թ. ամառային զորակոչը (լուսանկարներ) (տեսանյութ)
Աջակցիր «Ա1+»-ինԱյսօր՝ հուլիսի մեկին, մեկնարկեց 2019 թվականի ամառային զորակոչը:
Նորակոչիկներին ճանապարհեցին ծափերով, երգ ու պարով:
Թիվ մեկ զինվորական կոմիսարիատի զինկոմ Արթուր Բաղրամյանը մինչև նորակոչիկների մեկնելը ողջույնի խոսք հղեց վերջիններին և նշեց, որ ինքը և իր կոլեկտիվը 24 ամիս զինվորների կողքին են:
Նորակոչիկներին ողջունելու էր եկել նաև «Զինվոր» ՀԿ խորհրդի նախագահ Մարգարիտա Խաչատրյանը: Նա իր խոսքում նշեց, որ իր հեռախոսը գիշեր-ցերեկ զինվորների համար հասանելի է, և խորհուրդ տվեց նորակոչիկներին ծառայության ընթացքում հանդուրժող լինել նաև սպայական կազմի նկատմամբ:
Իսկ նորակոչիկներին ճանապարհող ծնողներն ամենակարևոր մաղթանքը հղեցին իրենց որդիներին ու բոլոր զինվորներին՝ խաղաղություն և անփորձանք ծառայություն: Զինկոմիասարիատից հետո նորակոչիկներն ուղևորվեցին Դավթաշենի եկեղեցի՝ օրհնություն ստանալու, որից հետո կգնան կենտրոնական հավաքատեղի:
