Ջրադուլ է հայտարարել՝ հանուն եղբայրների (տեսանյութ)
Աջակցիր «Ա1+»-ինԱպարան քաղաքի բնակիչ Ռոլանդ Խոստիկյանը ջրադուլ է հայտարարել, քանի որ երկու եղբայրները՝ Վաղարշը և Արմանը, դատապարտվել են 11 և 12 տարվա ազատազրկման։
Նրա խոսքով՝ եղբայրները ձերբակալվել են 2014 և 2016 թվականներին՝ դատապարտվել ազատազրկման. «Եղբայրներիս՝ Վաղարշ և Արման Խոստիկյաններին, դատապարտել են 11 և 12 տարվա ազատազրկման՝ օրենքի ողջ խստությամբ, բայց անհիմն ու շինծու ապացույցների հիման վրա»,- ասում է նա։
Խոստիկյանի եղբայրները զբաղվել են մեքենաների առքուվաճառքով, և 2014 թ. պարզվել է, որ նրանց մոտ կան մեքենայի գողացված մասեր, սակայն նրանք մեքենան գնելիս չեն իմացել գողացված մասերի վերաբերյալ։ «Վրացիները վաճառել են, ես գնել եմ»,- Ապարանի բնակչի փոխանցմամբ՝ նախկինում ասել է եղբայրներից մեկը։
Ռոլանդ Խոստիկյանն ասաց, որ եղբայրները նախկինում դատվածություն են ունեցել, իսկ այդ հանգամանքն իմանալով՝ քննիչը տաբեր մեղադրանքներով գործեր է հարուցել նրանց դեմ՝ պահանջելով 20 հազար դոլար, սակայն նրանք հրաժարվել են տալ։
Մանրամասները՝ տեսանյութում