Հայաստանում հայտնվել եք ճիշտ ժամանակին. Փաշինյանը՝ իտալացի բիզնես-ներկայացուցիչներին (տեսանյութ)
Աջակցիր «Ա1+»-ինՎարչապետ Նիկոլ Փաշինյանը ելույթ ունեցավ հայ-իտալական բիզնես ֆորումի ժամանակ։
«Մենք ասում ենք, որ պատրաստվում ենք Հայաստանը դրախտիային երկիր դարձնել տաղանդավոր մարդկանց համար: Մենք մտադիր ենք Հայաստանում ստեղծել այնպիսի էկոհամակարգ, որտեղ յուրաքանչյուր տաղանդավոր մարդ իր ընդունակությունները իրացնելու, զարգացնելու, հարստանալու և հարստացնելու հնարավորություն կունենա»,- ողջունելով իտալացի գործընկերներին՝ ընդգծեց Նիկոլ Փաշինյանը:
Վարչապետը անդրադարձավ Հայաստանում մեկնարկած դատարանների անկախացման գործընթացին։ Նա կարևորեց այն, որ հենց այս ժամանակահատվածում են իտալացի բիզնես- ներկայացուցիչները ժամանել Հայաստան։
«Հայաստանում հայտնվել եք ճիշտ ժամանակին, և Կառավարությունը ամբողջ թափով նպատակադրված է ստեղծել բոլոր հնարավորությունները ձեր և ձեր ընկերությունների ստեղծագորածական հնարավորությունների իրացման համար դաշտ ստեղծելու համար»,- շեշտեց նա։
Նիկոլ Փաշինյանը կարևորեց համագործակցությունը Հայաստանի և Իտալիայի միջև։ Ըստ նրա՝ հայ -իտալական տնետեսական կապերը ամրանում են։
