Գաբրիել Ղազարյանը դատապարտել է «Բանանցի» քայլը (տեսանյութ)
Աջակցիր «Ա1+»-ինՀՀ սպորտի եւ երիտասարդության հարցերի նախարարի պաշտոնակատար Գաբրիել Ղազարյանն խստորեն դատապարտում է երեկ Հայաստանի ֆուտբոլի գավաթի խաղարկությունում տեղի ունեցած միջադեպը:
Հիշեցնենք, որ Վանաձորում նախատեսված «Լոռի ՖԱ» - «Բանանց» կիսաեզրափակիչ պատասխան խաղը չէր կայացել, քանի որ հյուրերի սեփականատերը դժգոհ էր եղել մրցավարից եւ թիմին հանել էր խաղադաշտից:
«Ես դեռ տեղյակ չեմ, թե ինչ է իրականում տեղի ունեցել Վանաձորում: Սակայն, միանշանակ դատապարտում եմ նման քայլը, քանի որ կա հստակ բնականոն, կանոնակարգված աշխատանք, որին պարտավոր են հետեւել բոլորը», - «Ա1+»-ին հայտնեց նախարարի պաշտոնակատարը:
Հավելենք, որ Գաբրիել Ղազարյանն այսօր ներկա էր Հայաստանում ներմուծված նոր մարզաձեւի՝ թեքբոլի ցուցադրական ելույթին Հայաստանի պետական տնտեսագիտական համալսարանի մարզադահլիճում: