Բարձր ձիաուժ ունեցող ավտոմեքենաները կթանկանան. Վազգեն Սաֆարյան
Բնապահպանական նկատառումներով 301 և ավել ձիաուժ ունեցող ավտոտրանսպորտային միջոցների համար նախատեսվում է տարեկան հարկի ավելացում, ինչը նշանակում է, որ բարձր ձիաուժ ունեցող ավտոմեքենաները կթանկանան. նշում է Հայրենական ապրանք արտադրողների միության նախագահ Վազգեն Սաֆարյանը: «Մենք առաջարկում ենք սահմանի վրա բենզինի ավելացված արժեքի հարկը և ակցիզային հարկը մեկ տոննայի համար 135 դրամը իջեցնել 65 հազար դրամի, որպեսզի որոշ գազ օգտագործող մեքենաներ շահագործվեն բենզինով, ինչը էկոլոգիական տեսանկյունից ավելի քիչ վնասակար է»: Նրա խոսքով ՝1990- ական թվականներին Հայաստանում օգտագործվում էր ամսական 27, 28 հազար տոննա բենզին, իսկ հիմա օգտագործվում է 12 հազար տոննա, այն դեպքում, երբ մեքենաների թիվը այս 20 տարիների ընթացքում 3 անգամ ավելացել է: Սպառողների միության նախագահ Արմեն Պողոսյանը նշում է, որ այն ԱԳԼՃԿ-ները, որոնք գազը վաճառում են կգ-ով, նրանք գազի գինը բարձրացնում են . «Անօրինական կորցրած շահույթը ուզում են վերագրեն գազի գնի վրա»: Նրա կարծիքով նման երևույթները կանխվելու համար պետք է վերահսկողական մեխանիզմներ մշակվեն: Վազգեն Սաֆարյանն ավելացրեց, որ ստվերային տնտեսության կրճատման արդյունքում 2019 թվականի առաջին եռամսյակում 55 ու կես միլիարդ դրամից ավել հարկեր է հավաքվել, որին նպաստել է ՀԴՄ կտրոնների տրամադրումը:
