Մարտի 1-ին տուժած անձանց աջակցություն կտրվի (տեսանյութ)
Ազգային ժողովի պետաիրավական հարցերի հանձնաժողովը միաձայն դրական եզրակացություն տվեց ԱԺ փոխխոսնակներ՝ Լենա Նազարյանի և Ալեն Սիմոնյանի հեղինակած օրենքի նախագծին, որով առաջարկվում է ՝ 2008 թվականի մարտի 1-ից 2-ը Երևան քաղաքում տեղի ունեցած իրադարձությունների ժամանակ տուժած անձանց տալ աջակցություն: Նախագծի քննարկման ժամանակ, Լենա Նազարյանն ընդգծեց, որ մինչև այսօր տուժած մարդիկ պատշաճ ուշադրության չեն արժանացել: «Իրականում պետության կողմից աջակցություն տրամադրվել է, բայց եղել է տարբերակված մոտեցում: Ես ստացել եմ տեղեկանքներ համապատասխան մարմիններից, որոնք հավաստում են՝ եղել են տուժածներ, որոնք ստացել են շատ մեծ աջակցություն, և մինչև հիմա էլ ստանում են նպաստի տեսքով, իսկ կան մարդիկ, որոնք ընդհանրապես որևէ աջակցություն չեն ստացել»: Նիստին ներկա Արդարադատության նախարարը առաջարկեց, որպեսզի աջակցության իրավունք ունեցող մարդիկ դիմումը ներկայացնեն ՀՀ Կառավարության որոշումն ուժի մեջ մտնելուց հետո 3 տարվա ընթացքում: Նախագիծն առաջիկա քառօրյային կլինի խորհրդարանի օրակարգում: