A
A
Գրիգոր Մնացականյանը ոսկե մեդալ է նվաճել Վրաստանում
Վրաստանի Քութայիսի քաղաքում կայացել է սուսերամարտի միջազգային մրցաշար, որտեղ Հայաստանը ներկայացրել են 9 պատանի մարզիկներ: Ինչպես տեղեկացնում է Հայաստանի ազգային օլիմպիական կոմիտեի մամուլի ծառայությունը, խոցասուսերակիր Գրիգոր Մնացականյանը դարձել է մրցաշարի հաղթող: Աիդա Ալոյանն էլ նույն զենքաձեւում դարձել է բրոնզե մեդալակիր: Անի Դավթյանը ճկասուսեր ձեւում է նվաճել բրոնզե մեդալ: Հայաստանի սուսերամարտիկները այս օրերին ուսումնամարզական հավաքներ են անցկացնում Գյումրիում եւ Ծաղկաձորում: Պատանի եւ երիտասարդ մարզիկները նախապատրաստվում են ապրիլի 6-14-ը Լեհաստանի Տորոն քաղաքում կայանալիք աշխարհի առաջնությանը:
