Հայկական սպորտի նոր բրենդը
Աջակցիր «Ա1+»-ինՃապոնական ASICS ընկերությունն առաջիկա 4 տարիներին կհանդերձավորի Հայաստանի հավաքականներին:
Հայաստանի ազգային կոմիտեն ու ՀՀ սպորտի եւ երիտասարդության հարցերի նախարարությունն այսօր համաձայնագիր կնքեցին ASICS ճապոնական ընկերության հետ: Ստորագրության արարողությանը հայկական կողմը ներկայացրեց ՀՀ սպորտի եւ երիտասարդության հարցերի նախարար Արմեն Գրիգորյանը, իսկ ճապոնականը' ASICS-ի ռուսաստանյան ներկայացուցիչ Իգոր Ֆոմինը:
Համաձայնագրով ASICS-ը առաջիկա 4 տարիներին կլինի Հայաստանի մարզական կազմակերպությունների պաշտոնական հովանավորը եւ մարզահագուստի մատակարարը: Միաժամանակ Հայաստանում կստեղծվի հանդերձավորման կենտրոն, որը շնորհիվ մեր մարզիկ-մարզուհիներն ու մարզիչները միջազգային պաշտոնական մրցաշարերին կներկայանան ASICS-ի հանդերձանքով:
ՀՀ սպորտի եւ երիտասարդության հարցերի նախարար Արմեն Գրիգորյանն ասաց, որ ընկերության հետ նախապատրաստական աշխատանքները սկսվել էին դեռեւս այս տարվա մարտին: «ՀՀ նախագահի եւ վարչապետի անմիջական աջակցության շնորհիվ մենք այսօր կնքեցինք այս համաձայնագիրը, ըստ որի ASICS-ը առաջիկա 4 տարիներին բարձրորակ մարզահագուստներով կապահովի միջազգային պաշտոնական մրցումներին մասնակցող Հայաստանի բոլոր հավաքականներին, այդ թվում նաեւ 2010 թ ձմեռային եւ 2012 թ ամառային օլիմպիական խաղերի ժամանակ»:
Հավելենք, որ ASICS-ն իր ապրանքաշրջանառությամբ աշխարհում գրավում է 5-րդ տեղը:
