Բացել լրահոսը Փակել լրահոսը
A A

Կասպարովը ջախջախեց Կարպովին

Սպորտ


Իսպանիայի Վալենսիա քաղաքում ավարտվեց Գարի Կասպարով - Անատոլի Կարպով շախմատային  սուպերմրցամարտը: Վերջին օրը կողմերն անցկացրին կայծակնային 8 խաղ:

Առաջինում հաղթեց Անատոլի Կարպովը, ընդ որում' սեւ խաղաքարերով, ապա գրանցվեց առաջին ոչ-ոքին:

Սակայն 3-րդ պարտիայից սկսած Գարի Կասպարովը սկսեց պարզապես ճզմել իր մրցակցին եւ մեկը մյուսի ետեւից 5 անընդմեջ հաղթանակ տարավ:

 Հատկապես տպավորիչ էր նախավերջին պարտիան, երբ երկարատեւ պայքարից հետո աշխարհի 13-րդ չեմպիոնը, այնուամենայնիվ, 78-րդ քայլին ստիպեց Անատոլի Կարպովին հանձնվել:

Վերջին պարտիայում կողմերն արագ խաղաղ դաշն կնքեցին: Այդպիսով, Գարի Կասպարովը պարզապես ջախջախեց  Անատոլի Կարպովին եւ հաղթեց 9-3 ընդհանուր հաշվով: