Կազմը հայտնի է
Աջակցիր «Ա1+»-ինԹենիսի Հայաստանի հավաքականը ներկայացրել է այն կազմը, որով մեր ընտրանին մասնակցելու է "Դեվիսի գավաթի" տղամարդկանց թիմային առաջնությանը: Հայաստանը ապրիլի 27-ից մայիսը երեքը մասնակցելու է եվրոաֆրիկյան տարածաշրջանի 4-րդ խմբի մրցաշարին"
Հայաստանի մրցակիցներն են լինելու Կոտ դ'Իվուարի, Զիմբաբվեի, Կամերունի եւ Գանայի հավաքականները: Մրցաշարը կայանալու է Կոտ դ'Իվուարում:
Հայաստանի հավաքականի կազմում են ընդգրկվել Տիգրան Մարտիրոսյանը, Հարություն Սոֆյանը, Աշոտ Գեւորգյանը եւ Հենրիկ Նիկողոսյանը: Թիմի ավագն է լինելու Վահե Ավետիսյանը:
Հայաստանի հավաքականում ընդգրկված թենիսիտները միջազգային դասակարգման աղյուսակում բարձր տեղեր չեն գրավում: Տիգրան Մարտիրոսյանը ներկայումս 452-րդն է, սակայն վերջին շրջանում ունեցած ելույթներից հետո Մարտիրոսյանը կարող է հայտնվել լավագույն 400 թենիսիստների շարքում:
Մինչ Կոտ դ'Իվուար մեկնելը' Հարություն Սոֆյանը, Աշոտ Գեւորգյան եւ Խաչատուր Խաչատրյանը կմասնակցեն ապրիլի 4-12-ը եւ 13-19-ը Անթալիայում կայանալիք միջազգային "Futures" դասի երկու մրցաշարերի: Այս մրցաշարերը, ինչպես նաեւ "Դեվիսի գավաթի" հանդիպումները անցկացվելու են "հարդ" կորտերում:
