Բացել լրահոսը Փակել լրահոսը
A A

Քիչ էր մնում ընկնեին հարեւանի տուն

Մարզեր

 

Հերթական փլուզումն է գրանցվել Գյումրի Իսահակյան 9 շենքում: Երկրորդ հարկի բնակչի հատակն ամբողջովին փլուզվել է: Բարեբախտաբար, տուժածներ չկան:

 

 

Իսահակյան 9 շենքը հայտնի է իր ինքնատիպ փլուզումներով: Ամիսներ առաջ շենքի երրորդ հարկի բնակիչը զուգարանից օգտվելիս հայտնվել էր առաջին հարկում:

 Այս անգամ փլուզման հերթը հասել էր Էմմա Սիմիկյանի բնակարանին, որտեղ նրա հետ ապրում էին իր երկու անչափահաս երեխաները:

Փլուզման պահին երեխան եւ մայրը պարզապես մեծ պատահականությամբ չեն հայտնվել հարեւանի տանը: 

  "Ես ու աղջիկս էլ այդտեղ կանգնած էինք' երեք տարեկան աղջիկս: Ճաշ էի  եփում: Մի  քայլ  առաջ լինեինք, մենք էլ  կընկնեինք ցած" - պատմում է  տիկին  Էմման:

  Շենքը չորրորդ կարգի վթարային է, ընդգկված է  առաջնային վերանորոգան կարիք ունեցող բնակելի շենքերի շարքում: Մարզում նմանատիպ 4-րդ աստիճանի վթարայնության շենքերը շատ են, սակայն Իսահակյան 9 շենքը ցուցակի առաջին տեղում է: Բնակիչները դիմել են մարզպետարան, որտեղից  առայժմ  արձագանք  չի  եղել:

  Հուսահատված բնակիչները  դիմել են նաեւ քաղաքապետարան: Ինչպես մեզ հաղորդեցին քաղաքապետարանից,  հարցն արդեն բարձրացված է, կառավարությունը տեղյակ է խնդրին: Իսկ մինչ  կլինի կառավարության արձագանքը, բնակիչներին մնում է ամեն առավոտ բարի լույսի փոխարեն միմյամց ողջունել այսպես.  "Դուռը  ես  եմ  բացում, հարեւան, չվախենաք"

Գյումրիի «Ցայգ» ՀԸ