ՀԱՅԱՍՏԱՆԻ ՀԱՐԿԻ ՏԱԿ
Աջակցիր «Ա1+»-ինՖրանսիայի Կանն քաղաքում կայացած Եվրոպայի պատանեկան առաջնությունների ընտրական փուլերի վիճակահանությանը Հայաստանից մասնակցել էին ազգային հավաքականի գլխավոր մարզիչ պաշտոնակատար Վարդան Մինասյանը եւ ՀՖՖ գործադիր տնօրենի տեղակալ Արմեն Մելիքբեկյանը:
Վերջինս «Ա1+»-ի հետ զրույցում հայտնեց, որ մինչեւ 19 տարեկաների մասնակցությամբ ընտրական փուլի հանդիպումը Հայաստանում անցկացնելու տարբերակը հաղթել է երկատարեւ քննարկումից հետո. «Վիճակահանությունից անմիջապես հետո 7-րդ խմբում ընդգրկված Հայաստանի, Իսպանիայի, Ուկրաինայի եւ Թուրքիայի ներկայացուցիչները սկսեցին բանացել:
Սկզբում բոլորն էլ առաջարկում էին մրցաշարը անցկացնել իրենց հարկի տակ: Որոշ փաստարկներ ներկայացնելու հետո թեկնածուների թիվը կրճատվեց 2-ով եւ պայքարը ընթանում էր արդեն Հայաստանի եւ Ուկրաինայի միջեւ: Քանի որ մենք չէինք ցանկանում, որ մրցաշարը կայանա Ուկրաինայում, իսկ ուկրաինացիները չէին ցանկանում մրցել Հայաստանում, ուստի անցկացվեց վիճակահանություն, որի արդյունքում էլ Հայաստանը ստացավ նման իրավունք»: Վերը նշված 4 հավաքականները Երեւանում Եվրոպայի առաջնության ընտրական 2-րդ փուլի խմբային մրցաշարի հանդիպումները կանցկացնեն 2008թ. մայիսի 22-27-ը, սակայն դեռ հայտնի չէ, թե կոնկրետ որ մարզադաշտերում. «Այս հարցը դեռ չի քննարկվել»:
Կաննում կայացել է նաեւ մինչեւ 17 եւ 19 տարեկան հավաքականների հաջորդ տարվա ընտրական հանդիպումների վիճակահանությունը: Հայաստանի մինչեւ 19 տարեկանների հավաքականը 2008թ. աշնանը կներգրավվի Եվրոպայի արդեն 2009թ. առաջնության ընտրական փուլին Նորվեգիայի, Սլովակիայի եւ Սլովենիայի հավաքականների հետ: Հանդիպումները կկայանան Սլովենիայում: 17 տարեկանների մրցակիցները կլինեն Իսպանիան, Անգլիան եւ Էստոնիան: Այս հավաքականները կմրցեն Իսպանիայում:
