Բացել լրահոսը Փակել լրահոսը
A A

Ներխուժել են պատերազմի վետերան` թբիլիսահայ Սերգեյ Միրզոյանի բնակարան

Հասարակություն

Երեկ լուսաբացին անհայտ անձինք ներխուժել են Երկրորդ համաշխարհային պատերազմի վետերան Սերգեյ Միրզոյանի բնակարան, վերջինիս ծեծի ենթարկել և թալանել:

Թբիլիսիի Գորգասալի փողոցում գտնվող բնակարանից գողացել են մի քանի ամսվա թոշակը և ընտանեկան իրեր:

Հարևանների տեղեկատվությամբ, հարձակվողները երկուսն են եղել, բնակարան մտնելու համար կոտրել են դուռը, իսկ Միրզոյանին ծեծի ենթարկել: Հետաքննություն է սկսվել Վրաստանի քրեական օրենսգրքի 179-րդ հոդվածի հատկանիշներով:

Այսօր արդեն, Վրաստանում ՀՀ դեսպանության դիվանագետները այցելել են վետերանին և ֆինանսական օգնություն ցուցաբերել:

«Սերգո Միրզոյանը՝ իմանալով, որ դեպքը մեծ արձագանք է ստացել Հայաստանում և Վրաստանում, և շատերն են անհանգստանում նրա առողջության համար, խնդրեց փոխանցել, որ իր հետ ամեն ինչ կարգին է և շնորհակալություն հայտնեց իր անձի հանդեպ ցուցաբերված հետաքրքրության համար»,- ասվում է դեսպանության տարածած հայտարարության մեջ:

Aliq.ge