Հայաստանը՝ ՄԱԿ-ի Անվտանգության խորհրդի թեկնածու
ԵԱՀԿ Մինսկի խմբի համանախագահների կողմից առաջարկություն է արվել հունվարին հանդիպում կազմակերպել Հայաստանի և Ադրբեջանի արտգործնախարարների միջև: Այս մասին «Ա1+»-ի հետ զրույցում ասաց ԱԳՆ մամուլի խոսնակ Աննա Նաղդալյանը: Հանդիպման օրն ու վայրը դեռևս հայտնի չէ: «Հանդիպման մասին կհայտարարվի համաձայնեցված կարգով»: Դեկտեմբերի 31-ին Հանրային հեռուստաընկերության «Այսօր իրականում» հարղորդաշարում ԱԳ նախարարի պաշտոնակատար Զոհրաբ Մնացականյանը նշել էր, որ Հայաստանը ցանկություն ունի թեկնածություն առաջադրել Անվտանգության խորհրդի անդամության համար: Աննա Նաղդալյանը հաստատեց այդ տեղեկությունը և հավելեց. «Հայաստանը ՄԱԿ-ի Անվտանգության խորհրդում ադամակցության համար իր թեկնածությունն է ներկայացրել 2031 թվականին կայանալիք ընտրություններում՝ 2032-33 թթ. համար: Նշեմ նաև, որ 2019թ. հոկտեմբերին նախատեսված են ընտրություններ ՄԱԿ Մարդու իրավունքների խորհրդին անդամակցելու համար: Սա էլ նախատեսված է 2020-2022 թթ. համար, որտեղ Հայաստանը նույնպես ներկայացրել է իր թեկնածությունը և պայքարելու է այդ պաշտոնը ստանալու համար»:
