A
A
«Ինտերի» ավագը նոր տարին նշել է կնոջ նախկին ամուսնու հետ
Միլանի «Ինտերի» ավագ Մաուրո Իկարդին նոր տարին դիմավորել է իր հայրենիքում՝ Արգենտինայում: Ինչպես նշում են տեղի լրատվամիջոցները, Ամանորյա ընտանեկան հավաքույթին մասնակցել է նաեւ հարձակվողի կնոջ՝ Վանդա Նառայի նախկին ամուսինը՝ Մաքսի Լոպեսը, ով նույնպես հայտնի ֆուտբոլիստ է: Վերջինիս հրավիրել է հենց նրա նախկին կինը: Պատճառն այն է, որ Վանդա Նառայի հինգ երեխաներից երեքի հայրը Մաքսի Լոպեսն է: Մաուրո Իկարդին ամուսնացել է 2013 թվականին եւ ունի երկու աղջիկ: Հավելենք, որ Վանդա Նառան հանդիսանում է իր ամուսնու ֆուտբոլային գործակալը եւ անձամբ է զբաղվում տրանսֆերային հարցերով: