Ինձ Գորիսում չեն ծեծել։ Եթե իմ դեմ մարդ չուղարկեն՝ ժողովուրդը ինձ հետ կռիվ չի անի. Մենուա Հարությունյան
Ազգային Ժողովի պատգամավորի թեկնածու Մենուա Հարությունյանը նշեց, որ իրեն միշտ մեղադրում են, որ ինքը պաշտպանում է նախորդ իշխանություններին, սակայն նախորդ իշխանություններից իրեն հաճախ են քննադատում, ինչը խոսում է իր օբյեկտիվության մասին։ Նա նշեց որ Հանրապետական Կուսակցությունը ունի պետական մտածողություն և քանի որ այսօր միակ իրական ընդդիմությունը Հանրապետական Կուսակցությունն է, այդ պատճառով նա որպես պատգամավորի թեկնածու ցանկանում է հանդես գալ ՀՀԿ կողմից. «Միշտ դեմ եմ եղել Նիկոլ Փաշինյանին, քանի որ ես վստահ եմ, որ նա ոչ մի լավ բան չի անելու։ Նիկոլը քաղաապետերին ու գյուպատերին հաթաթա է տալիս, նրանք դուրս են գալիս Հանրապետական Կուսակցությունից և գրանցվում իր կուսակցությունում»։ Մենուան անդրադարձավ նաև Գորիսում տեղի ունեցած միջադեպին. «Ինձ Գորիսում չեն ծեծել, եթե իմ դեմ մարդ չուղարկեն` ժողովուրդը ինձ հետ կռիվ չի անի։ Ես քաղաքական տղա եմ և քննադատում եմ նրանց, ովքեր խաբում են ժողովրդին, բոլորը գիտեն, որ ես վախկոտ տղա չեմ, ինձ մանդատ տվեք, որպես ընդդիմադիր գնամ Նիկոլին քննադատեմ»։ Մ Հարությունյանը անդրադարձավ նաև «Իմ Քայլը »դաշինքի պատգամավորի թեկնածու Տիգրան Կարապետյանին՝ հրավիրելով նրան բանավեճի . «Տիգրան Կարապետյանին հրավիրում եմ բանավեճի։ Թող գա և բացատրի, թե ոնց է հարստացել։ Նախկինում հանրապետականին ես աջակցել, իսկ հիմա աջակցում ես Նիկոլ Փաշինյանի թիմի՞ն։ Նման տղերքին ես չեմ կարող ընդունել, ի՞նչ է, դու պիտի բոլոր իշխանություններին հերթով ծառայես ու քո համար հարուստ ապրե՞ս»։
