Լեւոն Ջուլֆալակյանը հրապարակել է Բուդապեշտ մեկնող ըմբիշների անունները
Հայտնի է դարձել Հայաստանի հունահռոմեական ոճի ըմբշամարտի հավաքականի կազմը, որը կմեկնի Հունգարիայի մայրաքաղաք Բուդապեշտ, որտեղ հոկտեմբերի 20-28-ը կայանալու է ըմբշամարտի աշխարհի առաջնությունը: Մեր հավաքականի գլխավոր մարզիչ Լեւոն Ջուլֆալակյանն ըստ քաշային կարգերի թիմ է հրավիրել հետեւյալ ըմբիշներին. 55 կգ Նորայր Հախոյան 60 կգ Գևորգ Ղարիբյան 63 կգ Սլավիկ Գալստյան 67 կգ Կարեն Ասլանյան 77 կգ Կարապետ Չալյան 82 կգ Մաքսիմ Մանուկյան 87 կգ Արթուր Շահինյան 97 կգ Արթուր Ալեքսանյան Հավելենք, որ 77կգ քաշային կարգում աշխարհի նախկին չեմպիոն Արսեն Ջուկֆալակյանն այս անգամ բաց կթողնի մրցաշարը, քանի որ նրա տեղը զբաղեցրել է Հայաստանի գործող չեմպիոն Կարապետ Չալյանը: Հոկտեմբերի 11-ից մինչեւ 24-ը մեր հունահռոմեական ոճի ըմբիշներն ուսհավաք կանցկացնեն Օլիմպավանում։ Հիշեցնենք, որ Մաքսիմ Մանուկյանն ու Արթուր Ալեքսանյանն աշխարհի գործող չեմպիոններ են, եւ նրանք այս առաջնությունում փորձելու են պաշտպանել իրենց տիտղոսները:
