Թրամփի վարչակազմը կիրառում է «վիշապային» պատժամիջոցներ. Դ. Պեսկով
Ռուսաստանի նախագահի մամլո քարտուղար Դմիտրի Պեսկովը հայտարարել է, որ Ռուսաստանի նկատմամբ ԱՄՆ նոր պատժամիջոցները անօրինական են եւ հակասում են միջազգային իրավունքի նորմերին: ԱՄՆ նոր պատժամիջոցները կիրառում է Մեծ Բրիտանիայի Սոլսբերի քաղաքում ուս նախկին լրտես Սերգեյ Սկրիպալին և նրա դստերը նյարդապարալիտիկ նյութով թունավորելու համար: «Նոր պատժամիջոցները Սոլսբերիի գործի հետ կապելը անհիմն է, Ռուսաստանը կապ չունի քիմիական զենքի կիրառման հետ, ոչ ԱՄՆ-ը , ոչ էլ Մեծ Բրիտանիան որևէ ապացույց չեն ներկայացրել կասկածների հետ կապված. Այստեղ անտեղի են որեւէ վերջնական քննարկումներ: Մեր ֆինանսական համակարգը կայուն է »,- ասել է նա: ԱՄՆ-ում Ռուսաստանի դեսպանատունն էլ Թրամփի վարչակազմի նոր պատժամիջոցները որակել է «վիշապային»: Նշենք, որ օգոստոսի 22-ից ուժի մեջ կմտնեն Ռուսաստանի նկատմամբ ԱՄՆ-ի նոր պատժամիջոցները: Այս մասին օգոստոսի 8-ին հայտարարել էր ԱՄՆ Պետքարտուղարությունը: ԱՄՆ նոր պատժամիջոցները պատրաստվում է կիրառել 2 փուլով: Առաջինով կարգելվեն Ռուսաստան ներկրել ազգային անվտանգության հետ կապված ապրանքատեսակներ՝ հիմնականում էլեկտրոնային սարքեր և երկակի օգտագործման համար նախատեսված պարագաներ: ԱՄՆ Պետքարտուղարության տեղեկացմամբ, Վաշինգտոնում այժմ սպասում են, պաշտոնական Մոսկվայի երաշխիքներին, առ այն, որ հետագայում չի գործածի քիմիական ու կենսաբանակ զենք եւ թույլ կտա իրականացնել անկախ փորձաքննություն: Այս պահանջները կատարելու համար Ռուսաստանին տրվել է 3 ամիս: Եթե դրական հստակ պատասխան չլինի, ապա կհետեւի պատժամիջոցների 2 փուլը: Սա ենթադրում է ԱՄՆ-Ռուսաստան դիվանագիտական հարաբերությունների մակարդակի նվազում, բոլոր տեսակի, բացի սննդամթերքը, ապրանքատեսակների արտահանման ու ներկրման խիստ սահմանափակումներ, ինչպես նաեւ ռուսական «Աերոֆլոտ» ավիաընկերության դեպի ԱՄՆ թռիչքների կասեցում: ԱՄՆ այս հայտարարությանը առաջինը դրական արձագանքեցին Մեծ Բրիտանիայում: Ըստ NBC հեռուստաընկերության, վարչապետ Թերեզա Մեյի գրասենյակից հայտնել են, որ ողջունում են ԱՄՆ այս քայլը: Նկատենք, որ պատժամիջոցների մասին տեղեկությունները առաջ է բերել նաեւ ռուսական ռուբլու կտրուկ անկում: Օգոստոսի 9-ին մոսկովյան բորսայում ամերիկյան մեկ դոլարը դոլարը արժեցել է 65, 5 ռուբլի: Նման բարձր ցուցանիշ վերջի ն անգամ գրանցվել է ապրիլին: Մասնագետները չեն բացառում, որ առաջիկայում ռուբլու անկումը կշարունակվի հասնելով մինչեւ 70 ռուբլի 1 ամերիկյան դոլարի համար :