A
A
Տիգրան Առաքելյանը ձերբակալվեց աննախադեպ հոդվածով
«Ոտքի Հայաստան» շարժման առաջնորդ Տիգրան Առաքելյանն այսօր ձերբակալվել է: Նա մեղադրվում է ավտոմեքենայով երեկ առավոտյան ճանապարհ փակելու մեջ: Նրան բերման էին ենթարկել Աբովյան քաղաքից։ Պաշտպան Արայիկ Պապիկյանն «Ա1+»-ին փոխանցեց, որ Տիգրան Առաքելյանին առաջադրված մեղադրանքն անհիմն է, քանի որ նա այդ ժամին տանը քնած է եղել: Իսկ թե որ փողոցն է փակել, փաստաթղթերում նշված չի եղել: Պաշտպանը սա համարում է քաղաքական պատվեր. «Սերժ Սարգսյանի ռեժիմի ստրուկները ձերբակալեցին նրան»: Արայիկ Պապիկյանն նաեւ փոխանցեց, որ այս հոդվածով առաջին անգամն է ձերբակալման որոշում կայացվել: Հոդվածը նախատեսում է տուգանք 50,000 դրամի չափով կամ մեկամսյա կալանք:
