Live. Պատգամավորները հարցեր են ուղղում Սերժ Սարգսյանին (տեսանյութ)
ԱԺ հատուկ նիստին այսօր ՀՀ վարչապետի պաշտոնում Սերժ Սարգսյանի ընտրության հարցի քննարկմանը, նրան հարց ուղղելով ՀՀԿ խմբակցության պատգամավոր Սամվել Նիկոյանը, անդրադարձավ ազգային անվտանգությանը եւ Ադրբեջանի ռազմատենչ քաղաքականությանը. «Որն է եղել ապրիլյան պատերազմի դասերը»։ Ի պատասխան Սերժ Սարգսյանն ասաց. «Դաս առաջին պետք է համարենք այն, որ երբեք հույս չպետք է փայփայենք, որ երբեւէ Ադրբեջանը թողնելու իր ուխտադրուժ խոստումը, թե ուժի միջոցով չի լուծելու հակամարտությունը։ Մյուս դասն այն է, ու ամենամեծ ուշադրությունը պետք է դարձնենք մեր զինված ուժերի սպառազինությանը, սեփականն արտադրելու եւ հայկական զինվորի, սպայի ոգին բարձր պահելու համար ու նրանց վստահությունը ամրապնդելու համար»: Ի դեպ, այդ պահին նիստերի դահլիճ մտան Ելք խմբակցության պատգամավորներ Մանե Թանդիլյանն ու Էդմոն Մարուքյանը։ Իսկ Արտակ Զեյնալյանն արդեն հերթագրվել է` Սերժ Սարգսյանին հարց տալու համար։
