Ուղիղ. Արոնյան – Կարյակին. Առաջին հաղթանակի սպասումով (տեսանյութ)
Լոնդոնում ընթացող London Chess Classic շախմատի գերհզոր մրցաշարում այսօր տեղի կունենան 3-րդ տուրի պարտիաները։ Հայաստանի ուժեղագույն շախմատիստ Լեւոն Արոնյանը, որն առաջին երկու պարտիաներում սեւերով ոչ-ոքի էր խաղացել, այս անգամ սպիտակներով կմրցի աշխարհի փոխչեմպիոն, ռուսաստանցի Սերգեյ Կարյակինի հետ։ Կողմերը վերջին անգամ հանդիպել են Սենտ Լուիսի մրցաշարում։ Արագ շախմատի պարտիայում հաղթել է Լեւոն Արոնյանը, իսկ կարճ շախմատի երկու հանդիպումներն ավարտվել են ոչ-ոքի։ Ի դեպ, մրցաշարի առաջին երկու տուրերում կայացած 10 պարտիաներն էլ ավարտվել է հաշտությամբ։ Արդյո՞ք այսօր կխախտվի այդ ավանդույթը, պարզ կդառնա կեսգիշերից հետո, քանի որ այս տուրի հանդիպումները սկսելու են Երեւանի ժամանակով ժամը 20։00-ին։ Լեւոն Արոնյան – Սերգեյ Կարյակին մրցավեճը շախմատասերները կարող են ուղիղ եթերով հետեւել մեր կայքէջում։
