Ֆուտբոլի Իսպանիայի հավաքականն առայժմ անպարտելի է Լոպետեգեի օրոք
Իսպանիայի հավաքականը Ռուսաստանի ընտրանու հետ ընկերական մրցավեճում 3:3 հաշվով ոչ-ոքի է խաղացել: Այդպսիով, իսպանացիները 2017 թվականն անցկացրել են առանց պարտության: Նրանք 10 խաղում տարել են 8 հաղթանակ, իսկ երկուսում ոչ-ոքի են գրանցել: Վերջին անգամ «Լա Ֆուրիան» առանց պարտության հանդես էր եկել հինգ տարի առաջ՝ մրցաշրջան-2012-ում: Իսպանական լրատվամիջոցները միաժամանակ նշում են, որ իրենց հավաքականը դեռեւս ոչ մի պարտություն չի կրել, ինչ անցած տարվա ամռանը թիմի գլխավոր մարզիչ է նշանակվել Խուլեն Լոպետեգին: Վերջինիս օրոք Իսպանիայի հավաքականը 12 խաղում հաղթանակ է տարել, իսկ չորսում խաղաղությամբ է բաժանվել մրցակիցներից: Ի դեպ, Ռուսաստանի հավաքականի հետ խաղում Իսպանիայի ընտրանու պաշտպան Սերխիո Ռամոսը կրկնել է 90 տարվա վաղեմություն ունեցող ռեկորդը՝ մեկ խաղում իրացնելով երկու 11մ հարված: 1927 թվականին, Ֆրանսիայի ընտրանու հետ ընկերական խաղում, նման դուբլ հեղինակել էր Դոմինգո Սալդուան:
