A
A
«Սասնա ծռեր» 2-ի գործը կքննվի Շենգավիթի դատարանում. նիստի օրը հայտնի է
«Սասնա ծռերի» խմբի գործից անջատված 2-րդ մասով դատական նիստերը կքննվեն արտագնա կարգով՝ Երեւանի Շենգավիթ վարչական շրջանի ընդհանուր իրավասության դատարանում: «Դատալեքս» տեղեկատվական համակարգից տեղեկանում ենք, որ Էրեբունի եւ Նուբարաշեն վարչական շրջանների ընդհանուր իրավասության դատարանի վարույթում գտնվող գործով առաջին արտագնա նիստը տեղի կունենա հոկտեմբերի 24-ին, ժամը 11:30-ին: Գործը քննելու է դատավոր Արթուր Օհանյանը: Այս գործով 11 ամբաստանյալ է անցնում՝ Արամ Մանուկյան, Հովհաննես Հարությունյան, Արամ Հակոբյան, Թաթուլ Թամրազյան, Վարդան Գերավետյան, Տիգրան Մանուկյան, Արայիկ Հակոբյան, Մարտիրոս Հակոբյան, Սերգեյ Կյուրեղյան, Գեւորգ Իրիցյան, Թորոս Թորոսյան:
