A
A
Ագրամունտի ճակատագիրը կորոշվի հոկտեմբերին
Եվրոպայի խորհրդի Խորհրդարանական վեհաժողովի (ԵԽԽՎ) նախագահ Պեդրո Ագրամունտին անվստահություն է հայտնել 158 պատվիրակ, որոնք ներկայացնում են 5 քաղաքական խմբեր եւ 36 ազգային պատվիրակություններ: Ինչպես հայտնում է ԵԽԽՎ մամլո ծառայությունը, 2017 թվականի հունիսի 27-ին փոխված կանոնակարգի համաձայն՝ միջնորդությունը կդրվի քվեարկության աշնանանային նստաշրջանի բացման ժամանակ (Ստրասբուրգ, հոկտեմբերի 9-13): Այն կհամարվի ընդունված, եթե կողմ քվեարկեն պատվիրակների 2/3-ը։ Մինչեւ վերջնական որոշում կայացնելը, նա չի նախագահի Վեհաժողովի նիստերը: Հիշեցնենք, որ ամառային նստաշրջանում ԵԽԽՎ Կանոնակարգում կատարվեցին փոփոխություններ՝ հնարավորություն տալով Վեհաժողովում ներկայացնել կոնկրետ պաշտոնյային հեռացնելու վերաբերյալ բանաձևի նախագիծ։
