Անմեղ եմ. Անի Զախարյանը հանդես եկավ ճառով (տեսանյութ)
«Նոր քաղաքական մշակույթ» կուսակցության նախագահ Անի Զախարյանն իրեն է համարում տուժող, երբ մոտ մեկ տարի է մեղադրվում է 2016թ հուլիսի 19-ին Խորենացի փողոցում ոստիկանության մեքենայի ապակին կոտրելու հրահանգներ տալու մեջ. «Խորենացու դեպքերից հետո տեղեկացա, որ ես հղի եմ եղել եւ կորցրեցի երեխայիս»,- ասում է Անի Զախարյանը: Պաշտպանական իր ճառում Անի Զախարյանը հայտարարեց, որ իրեն մեղադրանք է առաջադրված միայն 5 ոստիկանների ցուցմունքի հիման վրա. «Վկաներ, որոնք դատարանում ապացուցեցին, որ կարող են լիարժեք ստել:Անմեղ եմ, միջադեպի մասին իմացել եմ համացանցից եւ քննիչի զանգից: Բոլոր այստեղ հետազոտված ապացույցները իմ օգտին են խոսում»: Մեղադրողը ապացուցված էր համարել Անի Զախարյանի մեղքը եւ միջնորդել դատապարտել նրան 4 տարվա պայմանական ազատազրկման: «Այս ամենը ես համարում եմ ծաղր՝ արդարադատության եւ մարդու իրավունքների նկատմամբ եւ ապշում եմ, ինչպես պաշտոնյան կարող է հղի կնոջը անհիմն մեղադրել հանցանքի մեջ, որը աբսուրդ է եւ չի համապատասխանում իրականությանը»: Զախարյանի պաշտպանը եւս հանդես եկավ պաշտպանական ճառով՝ խնդրելով արդարացնել իր պաշտպանյալին: Թե ինչ վճիռ կկայացնի դատարանը պարզ կդառնա վաղն առավոտյան: