Թանգարանի աշխատակիցներն այսօր երեխաներն էին (տեսանյութ)
Ալեքսանդր Սպենդիարյանի տուն թանգարանի աշխատակիցներն այսօր երեխաներն էին: Մուտքից մինչեւ ցուցասրահներ ուղեկցում ու բացատրում են ամեն մանրուք: Մեծանուն կոմպոզիտորի կյանքի ամեն մի դրվագ ու տուն, թագարանի ամեն մի անկյուն անգիր իմացող երեխաները 181 հիմնական դպրոցի 4-րդ դասարանցիներն են: Իրենց հասակակիցներին բացի գիտելիքներ փոխանցելուց առաջարկում են նաեւ վիրտուալ դիրիժորի ինտերակտիվ խաղը փորձարկել: Ամենաակտիվ ու էմոցիոնալն Արթուրն է: Սպենդիարյանի տուն թանգարանի մշտական այցելուն չնայած այսօր գիդի դերում հանդես չի գալիս, բայց պատրաստված երեխաներից ոչ պակաս կոմպոզիտորի մասին գիտի ամեն ինչ: Թանգարանի ժամանակավոր աշխատակիցները վերջում էլ շրջեցին քաղաքում ու անցորդներին բաժանեցին Ալեքսանդր Սպենդիարյանի տուն թանգարանի մասին պատմող բազմալեզու ազդագրեր: Մանրամասները՝ տեսանյութում
