«Կիրակի».Արտագնա աշխատանքից չեն հրաժարվում նույնիսկ ձախողվելուց հետո (տեսանյութ)
Համաշխարհային տնտեսական ֆորումի տվյալներով՝ 2015 թվականի դրությամբ Հայաստանում ծնվածների մեկ քառորդն այլևս Հայաստանում չէ։ Աշխարհում մոտ 232 միլիոն մարդ ՝ աշխարհի բնակչության մոտավորապես 3 տոկոսը, ապրում է իր ծննդավայրի սահմաններից դուրս : «Կիրակի» հաղորդաշարի այս տարվա վերջին թողարկումը միգրացիայի թեմայով է։ ՄԱԿ-ի բնակչության հիմնադրամի տվյալներով՝ վերջին 25 տարիների ընթացքում Հայաստանից արտագաղթածների թիվը կազմել է ավելի քան 1 միլիոն։ Նման ցուցանիշ չի արձանագրել ոչ նախկին ԽՍՀՄ որևէ հանրապետություն, ոչ մեր տարածաշրջանի որևէ այլ երկիր: Պաշտոնական տվյալներով՝ ՀՀ սահմանային անցակետերով 2015 թ.-ին ՀՀ քաղաքացիների մեկնումները գերազանցել են ժամանումները շուրջ 43 400-ով: Ինչ է անում պետությունը՝ իր քաղաքացուն երկրում պահելու համար, արդյոք աշխատանքային միգրացիան որքանով է ազդում ընտանիքի ճակատագրի վրա, գո՞հ են խոպանչիները, թե՞ դժգոհ։ Թողարկման համար ռեպորտաժներ են պատրաստել «Սևան» և «Ցայգ» ՀԸ մեր գործընկերները։ Հյուրերն են՝ ազգագրագետ Մխիթար Գաբրիելյանը և Տարածքային կառավարման և զարգացման փոխնախարար Արթուր Խաչատրյանը։ Այս ամենի մասին՝ տեսանյութով