Բանանի ներկրման փորձը հաջողվել է. ՊԵԿ
Ներկրման ոլորտում նոր տնտեսվարողներ են հայտնվել. ՊԵԿ նախագահ Վարդան Հարությունյանը տեղեկացնում է, որ իրենք արձագանքել են վարչապետի հայտնի հայտարարությանը, թե Հայաստանի Հանրապետության յուրաքանչյուր քաղաքացի կարող է անարգել ներկրել ցանկացած ապրանք։ ՊԵԿ նախագահը հանձնարարական է տվել մաքսային մարմիններին՝ խիստ և հետևողական լինել գործընթացի նկատմամբ` բիզնեսի համար ապահովելով արդար և ազատ մրցակցային միջավայր: ՊԵԿ մամլո ծառայությունը պարզաբանում է՝ ինչու է օրերս ՌԴ-ից բանանի ներկրում իրականացնելու փորձը խնդիրների առաջ կանգնեցրել տնտեսվարողին։ « Պարզվել է, որ տնտեսվարողը պարզեցված մաքսային ընթացակարգերով հատել է սահմանը, սակայն խոչընդոտների է հանդիպել արդեն հանրապետության տարածքում, որոնց կարգավորման հարցով ներկրողը դիմել է Պետական եկամուտների կոմիտե: Այսպես, Օպերատիվ հետախուզության և Ներքին անվտանգության վարչություններում օպերատիվ տեղեկություններ են ստացվել, որ անհայտ անձինք փորձում են խոչընդոտել բանանի ներկրման գործընթացը: Ձեռնարկված միջոցառումների արդյունքում, օրենքի շրջանակում, տնտեսվարողը ստացել է աջակցություն և հաջողությամբ իրականացրել ներկրումը: Հաշվի առնելով միջադեպը՝ Պետական եկամուտների կոմիտեն խստագույնս նախազգուշացնում է զերծ մնալ բիզնեսի բնականոն գործունեությանը խոչընդոտելու մտադրություններից, միաժամանակ կոմիտեն տնտեսվարողներին հորդորում է խնդիրների դեպքում անմիջապես ահազանգել. ապրանքների արտահանումը, ներկրումը, արտադրությունը և առևտրի կազմակերպումն ամենօրյա հսկողության ներքո է, և ՊԵԿ-ը պատրաստակամ է, օրենսդրության շրջանակում, անհապաղ լուծում տալ ցանկացած խնդրի»,- ՀՀ ԿԱ պետական եկամուտների կոմիտեիտեղեկատվության և հասարակայնության հետ կապերի բաժնի հաղորդագրության մեջ։
