Տեսախցիկներից բողոքում են, արագաչափերից՝ ոչ (տեսանյութ)
Տեսանկարահանող սարքերը շարունակում են նյարդայնացնել վարորդներին։ Տեսախցիկները Երեւանում տեղադրվեցին 2011 թվականին: Մինչ այդ որոշումը կայացնելը, վարորդների կարծիքով իշխանությունները նախ պետք է բոլոր հարմարությունները ստեղծեին՝ խախտումներից խուսափելու համար: Ճանապարհային երթեւեկության վերահսկման այսպիսի մեխանիզմը հատկապես չի գոհացնում տաքսիների վարորդներին: Նրանք ցանկանում են, որ իրենց համար այլ կանոններ գործեն, քանի որ իրենց խախտումները երբեմն հարկադրաբար են լինում: Տաքսու վարորդները դեռ չեն զգում Արդարադատության նախարարության վերջերս կատարած փոփոխությունները, որոնք պետք է ավելի մեղմացնեին տուգանքները: Չնայած երևանցիների բողոքներին՝ Գյումրիում, որտեղ տեսախցիկներ չկան, պնդում են, որ դրանք անհրաժեշտ են: Նույնիսկ այդ առիթով «Լոգոս» իրավապաշտպան ՀԿ-ն օրերս մամլո ասուլիս էր հրավիրել եւ առաջարկ ներկայացրել։ Ի դեպ, տեսախցիկներից բողոքող մեր համաքաղաքացիները չէին բողոքում արագաչափ սարքերից: Ըստ նրանց, դրանք արդյունավետ են, հատկապես, մայրուղիներում: Ավելին՝ տեսանյութով
