Էլեկտրաէներգիայի սակագինը հնարավոր է նվազի (տեսանյութ)
Էլեկտրաէներգիայի սակագինը կարող է նվազել 2,58 դրամով: Նման եզրակացության է եկել Հանրային ծառայությունները կարգավորող հանձնաժողովի աշխատակազմը ՝ իրականացնելով էլեկտրաէներգետիկական համակարգի սակագների վերաբերյալ հաշվարկներ։ Նախորդ տարի էլեկտրաէներգիայի սակագինը թանկացավ 6,93 դրամով: Սակագնում հաշվի էին առնվել նաեւ ՀԷՑ-ի ժամկետանց պարտքերը՝ 23,4 մլդ դրամ. «Ժամկետանց պարքեր ՀԷՑ-ը չունի , այն ինչ դուք գիտեիք մինչեւ օգոստոսի 1-ը կմարվի: Այսինքն՝ այդ գումարը պետք է դուրս գար սակագնի հաշվարկից»,- ասում է ՀԷՑ-ի էկոնոմիկայի եւ ֆինանսների տնօրեն Արմեն Արշակյանը: էլեկտրաէներգետիկական համակարգի սակագների վերաբերյալ քննարկմանը հրավիրվել էին նաեւ ՀԿ-ներ: Մասնակցում էր միայն մեկը, որի ներկայացուցիչն էլ չնայած 2,58 դրամով էժանացումը քիչ է համարում, բայց կարծում է, որ ՀԷՑ-ի նոր տնօրենը շատ բան կփոխի: Հանրային ծառայությունները կարգավորող հանձնաժողովում հրավիրված քննարկման հիմնական մասը փակ էր լրատվամիջոցների համար։ էլեկտրաէներգիայի նոր սակագինը, Հանձնաժողովը ամենայն հավանականությամբ կհրապարակի հաջորդ շաբաթվա ընթացքում։ Մանրամասները՝ տեսանյութում
