Ստուգումների իրականացման ժամկետը երկարաձգվել է
Տնտեսվարողների գործունեությունը խթանելու եւ նրանց աջակցություն ցուցաբերելու նպատակով՝ գործադիրն այսօր որոշեց տնտեսվարողների ստուգումների իրականացման արգելքի ժամկետը երկարաձգել: Այսպիսով՝ ստուգումներն այս տարվա հուլիսի 1-ի փոխարեն կիրականացվեն մինչև դեկտեմբերի 31-ը: Կառավարության աշխատակազմի ղեկավար- նախարար Դավիթ Հարությունյանը նշեց, որ որոշմամբ նախատեսվում է թույլատրել գյուղատնտեսության նախարարության սննդամթերքի անվտանգության պետական ծառայությանը ստուգումների տարեկան ծրագրում ընդգրկված և բարձր ռիսկային խմբում գտնվող սուբյեկտների մոտ համապատասխան ստուգաթերթերի հիման վրա իրականացնել ստուգումներ հետևյալ ոլորտներում՝ հանրային սննդի կազմակերպում, մսամթերքի արտադրություն, կաթնամթերքի արտադրություն, կրեմային հրուշակեղենի արտադրություն, ոչ կենդանական ծագման մթերքների և խոհարարական արտադրանք, ձկնամթերքի արտադրություն:
