Բացել լրահոսը Փակել լրահոսը
A A

Ստորագրահավաք եւ հանգանակություն՝ Ազատության հրապարակում

Քաղաքականություն
sus

Արդեն 500-ից ավելի ստորագրություն է հավաքվել ի պաշտպանություն մարտի 24-ին Մաշտոցի պողոտայում ոստիկանների հետ բախման ժամանակ ճակատի շրջանում վնասվածք ստացած Ռուզաննա Եղնուկյանի եւ ընդդեմ ոստիկանության բռնությունների ստորագրահավաքի արդյունքում: Այս մասին «Ա1+»-ին ասաց «Հայ կանանց ճակատ» նախաձեռնության անդամ Կարինե Տոնոյանը: Ստորագրահավաքը նպատակ ունի բարձրաձայնել քաղաքացիների նկատմամբ ոստիկանության կողմից պարբերաբար կիրառվող բռնությունների մասին: Կարինե Տոնոյանը, սակայն նշում է, հիմա ավելի շատ զբաղվում են հանգանակությամբ՝ զինվորներին օգնելու, աջակցելու համար: Նախաձեռնության անդամը փաստում է՝ գումար նվիրաբերողներն այդքան էլ ակտիվ չեն: « Տարբեր տեղեր հանգանակություններ են արվում, մշակութային օջախներում եւ դպրոցներում, թաղապետարաններն են կազմակերպել հանգանակություններ եւ ստացվել է այնպես, որ դարձել է համաժողովրդական: Դա շատ ընդունելի է, շատ հաճելի է, որ այսպես համախմբվեցինք»,- ասաց Կարինե Տոնոյանը: Նա քաղաքացիներին հավաստիացնում է՝ հանգանակված գումարը իր նպատակին է ծառայելու. «Մենք ստորագրություն ենք թողնում, եթե մի բան ծախսվի, մենք պատասխանատու լինենք»: sus4