Քույրերը կլինեն ազատության մեջ
Նոյեմբերի 25-ին Նորք-Մարաշում ԱԱԾ-ի կողմից վնասազերծված զինյալ խմբի գործով կալանավորված Ասյա Մկրտչյանի խափանման միջոցն այսօր փոխվել է: Երեւանի Կենտրոն եւ Նորք Մարաշ վարչական շրջանների ընդհանուր իրավասության դատարանն այսօր որոշել է բավարարել նրա պաշտանների միջնորդությունը եւ որպես խափանման միջոց ընտրել 500.000 դրամ գրավը: Ասյա Մկրտչյանն ազատ կարձակվի այն ժամանակ, երբ հարազատները մուծեն գրավը եւ կտրոնը ներկայացնեն ՔԿՀ: Այսօր դատարանը բավարարել է նաեւ Ասյա Մկրտչյանի քրոջ՝ Մարինե Կաթանյանի պաշտպանների միջնորդությունը՝ նրան գրավով ազատ արձակելու վերաբերյալ: Հիշեցնենք, որ երեկ լրագրողների հետ հանդիպման ժամանակ ԱԱԾ քննչական վարչության պետի տեղակալ Միքայել Համբարձումյանն նշել է, որ իրենք դեմ չեն լինի, եթե գործով կալանավորված քույրերի խափանման միջոցը փոխվի գրավով:
