Պահանջ ԵՄ-ին՝ ձգել ՀՀ իշխանությունների սանձերը
Այս պահին «Նոր Հայաստան» հանրային փրկության ճակատի «Ընդդիմության միասնական շտաբը» երթով շարժվում է դեպի Եվրամիության գրասենյակ՝ պահանջով, որ «Եվրամիությունը ձգի ՀՀ իշխանությունների սանձերը»։
Երթը կազմակերպվել է ի պաշտպանություն «Նոր Հայաստան» հանրային փրկության ճակատի անդամ Գեւորգ Սաֆարյանի։
Նա անազատության մեջ է դեկտեմբերի 31-ից՝ Ազատության հրապարակում տոնածառ տեղադրելու փորձից հետո՝ ոստիկան Գեղամ Խաչատրյանի նկատմամբ բռնություն գործադրելու մեղադրանքով։ 40 օրից ավել է Գեւորգ Սաֆարյանը կալանավորված է, սակայն մինչեւ հիմա որեւէ քննություն չի կատարվել այս գործով։
Երեկ դատավոր Գայանե Մազմանյանը մերժեց Գեւորգ Սաֆարյանին գրավի դիմաց ազատ արձակելու միջնորդությունը: Քննիչը գտնում է, որ Գեւորգ Սաֆարյանին ազատ արձակելով կխոչընդոտվի քննությունը:
