A
A
Փարիզում հատուկ գործողություններ են. ըստ ԶԼՄ-ների՝ կան զոհեր (տեսանյութ)
Փարիզի իշխանությունները դիմել են Սեն- Դենի շրջանի բնակիչներին՝ հորդորելով նրանց դուրս չգալ բնակարաններից՝ տարածքում ֆրանսիական ոստիկանությունը հատուկ գործողություններ է իրականացնում :
Ինչպես հաղորդում են, այս շրջանում լսվել են կրակոցի ձայներ:Ֆրանսիական մամուլը հայտնում է 1-3 զոհի մասին. փոխանցում է BBC-ի ռուսական ծառայությունը։
Զոհերի թվում, ըստ որոշ տեղեկությունների, կա նաև մի կին, որի մարմնին պայթուցիկ սարք է տեղադրված եղել։
Հաղորդվում է, որ հատուկ գործողության առիթը եղել է Աբդելհամիդ Աբաուդը, որը համարվում է ուրբաթ օրվա ահաբեկչության կազմակերպիչը։
Տարածքում թռչում է ոստիկանական ուղղաթիռ։
Հենց այս թաղամասում է գտնվում Ստադ դե Ֆրանս մարզադաշտը, որը թիրախ էր դարձել ուրբաթ օրվա ահաբեկչության համար։
