Քարաթափում Կապան-Մեղրի ավտոճանապարհին (լրացված)
Նոյեմբերի 7-ին, ժամը 17.47-ին ահազանգ է ստացվել, որ Կապան-Մեղրի ավտոճանապարհին տեղի է ունեցել քարաթափում, ինչի հետևանքով ճանապարհահատվածը դարձել է անանցանելի. անհրաժեշտ է օգնություն: Դեպքի վայր է մեկնել ՄՃԿԿ օպերատիվ խումբը: Պարզվել է, որ Մ-17 ավտոճանապարհի Կապան-Մեղրի հատվածում (42-րդ կմ) տեղի է ունեցել քարաթափում (մոտ 1900 խմ ծավալով): Փրկարարները սահմանազատել են տարածքը: «Մեղրի ՃՇՇ» ՓԲԸ-ից տեղեկություն է ստացվել, որ եղանակային անբարենպաստ պայմանների պատճառով ճանապարհահատվածի մաքրման աշխատանքները կիրականացվեն ս. թ. նոյեմբերի 8-ին: Նոյեմբերի 8-ին, ժամը 07.32-ին դեպքի վայր է մեկնել ՄՓՎ օպերատիվ խումբը: Ժամը 08.57-ից «Մեղրի ՃՇՇ» ՓԲԸ-ի աշխատակիցները հատուկ տեխնիկայով իրականացնում են ճանապարհահատվածի մաքրման աշխատանքներ: Ժամը 09.32-ի դրությամբ ճանապարհահատվածը դարձել է միակողմանի երթևեկելի:
