Ոչ թե մանկատուն, այլ՝ ընտանիք, կամ էլ, պարզապես, ՍՕՍ մանկական գյուղ
Կոտայքի մարզում գտնվող «Սոս մանկական գյուղ»-ում տեղի ունեցավ «ՍՕՍ մանկական գյուղեր» բարեգործական հիմնադրամի 25-ամյակի միջոցառումը:
1990թ. այստեղ առաջին անգամ «Մանկական գյուղն» իր դռները բացել է երկրաշարժից որբացած երեխաների համար, եւ ընտանեկան պայմաններում խնամվել, դաստիարակվել ու հասակ են առել բազմաթիվ երեխաներ:
«ՍՕՍ մանկական գյուղը» տարբերվում է ավանդական «մանկատուն» հասկացությունից: Ինչպես սաների, այնպես էլ աշխատակիցների կողմից այն ընկալվում է ոչ թե մանկատուն, այլ՝ ընտանիք, կամ էլ, պարզապես, ՍՕՍ մանկական գյուղ:
Կազմակերպված միջոցառմանը ներկա է եղել ՀՀ աշխատանքի և սոցիալական հարցերի նախարար Արտեմ Ասատրյանը, «ՍՕՍ մանկական գյուղեր» հայկական բարեգործական հիմնադրամի Ազգային տնօրեն Աշոտ Քոչարյանը , օմբուդսմենի գրասենյակի և Կոտայքի մարզպետարանի ներկայացուցիչները:
Միջոցառման դրական շունչը երգ ու պարի միջոցով ապահովել են երեխանները, իրենց երգերով հանդես են եկել նաև հեղինակ կատարողները:
Միջոցառման ավարտին տասը ՍՕՍ ընտանեկան տներին նվեր է հանձնվել համակարգիչներ:
Նշենք, որ այս պահին Կոտայքի մարզի «Սոս մանկական գյուղ»-ում ապրում է 58 երեխա, Իջևանում՝ 82, իսկ 60 երեխա՝ երիտասարդական խնամքի համակարգում:
