«Լոկոմոտիվ» թիմի դատավճիռը կտեւի երեք օր
Յարոսլավլի «Լոկոմոտիվ» հոկեյի թիմի հետ տեղի ունեցած ավիավթարի գործի դատավճռի հրապարակման համար կպահանջվի երեք օր. «Այսօր եւ երեքշաբթի կներկայացվեն գործի մանրամասները, իսկ վերջնական վճիռը կկայացվի չորեքշաբթի», - ասել է գործը վարող դատավոր Իրինա Գինյատովան: Նշենք, որ 2011 թվականին «Լոկոմոտիվ» հոկեյի թիմին Յարոսլավլից Մինսկ տեղափոխող «Յակ-42» ինքնաթիռում եղել են 45 մարդ, որոնցից 37-ը ակումբի ներկայացուցիչներ: Վթարի պատճառով 44 մարդ է զոհվել: Ողջ է մնացել միայն ինքնաթիռի բորտ-ինժեները: Տուժածների հարազատների դատական գործ են հարուցել «Յակ սերվիս» ավիաընկերության տնօրենի տեղակալ Վադիմ Տիմոֆեեւի նկատմամբ: Հետաքննությամբ պարզվել է, որ հենց նա է ինքնաթիռի անձնակազմին թույլ տվել կատարել ավիաչվերթը, այն դեպքում, որ ձեւակերպված չեն եղել բոլոր փաստաթղթերը, բացի այդ օդաչուները չեն ունեցել համապատասխան արտոնագրեր: Վադիմ Տիմոֆեեւը չի ընդունում իր մեղքը, իսկ նրան դատապարտողները պահանջում են նվազագույնը 6 տարվա ազատազրկում:
