Սահմանվել է ԼՂՀ կառավարության կառուցվածքը
Նախագահ Բակո Սահակյանը հուլիսի 1-ին ստորագրել է «Լեռնային Ղարաբաղի Հանրապետության կառավարության կառուցվածքի մասին» ԼՂՀ օրենքը: Համաձայն օրենքի` սահմանվել է Լեռնային Ղարաբաղի Հանրապետության կառավարության հետեւյալ կառուցվածքը. 1) առողջապահության նախարարություն. 2) արդարադատության նախարարություն. 3) արտաքին գործերի նախարարություն. 4) աշխատանքի եւ սոցիալական հարցերի նախարարություն. 5) գյուղատնտեսության նախարարություն. 6) էկոնոմիկայի նախարարություն. 7) Լեռնային Ղարաբաղի Հանրապետության կառավարության աշխատակազմի ղեկավար-նախարար. 8) կրթության, գիտության եւ սպորտի նախարարություն. 9) մշակույթի եւ երիտասարդության հարցերի նախարարություն. 10) պաշտպանության նախարարություն. 11) քաղաքաշինության նախարարություն. 12) ֆինանսների նախարարություն: Լեռնային Ղարաբաղի Հանրապետության կառավարությանն առընթեր գործում են պետական կառավարման հետեւյալ մարմինները. 1) ազգային անվտանգության ծառայություն. 2) արտակարգ իրավիճակների պետական ծառայություն. 3) շրջակա միջավայրի եւ բնական ռեսուրսների վարչություն. 4) Լեռնային Ղարաբաղի Հանրապետության ոստիկանություն: ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ԱՇԽԱՏԱԿԱԶՄԻ ՏԵՂԵԿԱՏՎՈՒԹՅԱՆ ԳԼԽԱՎՈՐ ՎԱՐՉՈՒԹՅՈՒՆ
